ചെമ്മീന്‍ തീയല്‍

Chemmeen Theeyal
Author:
Visits: 80006 persons viewed this recipe.
Share on FacebookShare on Google+Tweet about this on TwitterShare on LinkedInEmail this to someone
5.0 from 1 reviews

ചെമ്മീന്‍ തീയല്‍

 
Prep time
Cook time
Total time
Serves
6
Cuisine
Kerala
 

ചേരുവകള്‍

  • ചെമ്മീന്‍ വൃത്തിയാക്കിയത് – 250 ഗ്രാം
  • തേങ്ങ ചിരണ്ടിയത് – 2 കപ്പ്‌
  • ചെറിയ ഉള്ളി – 20 എണ്ണം
  • വെളുത്തുള്ളി – 5 അല്ലി
  • ഇഞ്ചി – 1 ഇഞ്ച്‌ കഷണം
  • കറിവേപ്പില – 2 ഇതള്‍
  • മുളകുപൊടി – 3 ടീസ്പൂണ്‍
  • മല്ലിപൊടി – 2 ടീസ്പൂണ്‍
  • മഞ്ഞള്‍പൊടി – 1 നുള്ള്
  • വാളന്‍ പുളി – ഒരു നെല്ലിക്ക വലുപ്പത്തില്‍
  • തക്കാളി – 1 എണ്ണം
  • കടുക് – ½ ടീസ്പൂണ്‍
  • വെളിച്ചെണ്ണ – 2 ടേബിള്‍സ്പൂണ്‍
  • ഉപ്പ് – ആവശ്യത്തിന്

പാചക Videos ലഭിക്കുന്നതിനായി Youtube Channel സബ്സ്ക്രൈബ് ചെയ്യുക

തയാറാക്കുന്ന വിധം

  1. ചെമ്മീന്‍ കഴുകി വൃത്തിയാക്കിയെടുക്കുക.
  2. ഇഞ്ചി, വെളുത്തുള്ളി, ചെറിയ ഉള്ളി, തക്കാളി എന്നിവ ചെറുതായി അരിയുക.
  3. പാനില്‍ 1 ടേബിള്‍സ്പൂണ്‍ എണ്ണ ചൂടാക്കി വെളുത്തുള്ളി, ഇഞ്ചി, ചെറിയ ഉള്ളി (പകുതി), കറിവേപ്പില (1 ഇതള്‍), തേങ്ങ ചിരണ്ടിയത് എന്നിവ ഓരോന്നായി ചേര്‍ത്ത് മീഡിയം തീയില്‍ ഇളക്കുക.
  4. ഇവ ഗോള്‍ഡന്‍ നിറമാകുമ്പോള്‍ തീ കുറച്ച് മുളകുപൊടിയും, മല്ലിപൊടിയും, ചേര്‍ത്ത് 2 മിനിറ്റ് ഇളക്കിയശേഷം തീ അണയ്ക്കുക.
  5. ഇത് തണുത്തതിന്ശേഷം, ആദ്യം വെള്ളം ചേര്‍ക്കാതെ മിക്സിയില്‍ അരയ്ക്കുക. പിന്നീട് അല്പം വെള്ളം കൂടി ചേര്‍ത്ത് അരച്ചെടുക്കുക.
  6. വാളന്‍ പുളി 2½ കപ്പ്‌ വെള്ളത്തില്‍ ലയിപ്പിച്ചശേഷം വെള്ളം അരിച്ചെടുക്കുക.
  7. ഒരു പാത്രത്തില്‍ ചെമ്മീന്‍, പുളി വെള്ളം, തക്കാളി, മഞ്ഞള്‍പൊടി, ഉപ്പ് എന്നിവ അടച്ച് വച്ച് 10 മിനിറ്റ് വേവിക്കുക. (തിളയ്ക്കാന്‍ തുടങ്ങുമ്പോള്‍ തീ കുറയ്ക്കുക).
  8. വെന്തതിനു ശേഷം അരച്ച ചേരുവ ചേര്‍ത്ത് നന്നായി യോജിപ്പിച്ച് 1 മിനിറ്റ് തിളപ്പിച്ചതിന് ശേഷം തീ അണയ്ക്കുക. ഉപ്പ് നോക്കി കുറവുണ്ടെങ്കില്‍ ചേര്‍ക്കുക.
  9. പാനില്‍ 1 ടേബിള്‍സ്പൂണ്‍ എണ്ണ ചൂടാക്കി കടുക് ഇട്ട് പൊട്ടുമ്പോള്‍ ബാക്കിയുള്ള ചെറിയ ഉള്ളിയും കറിവേപ്പിലയും (1 ഇതള്‍) ചേര്‍ത്ത് മൂപ്പിച്ച് ചെമ്മീനില്‍ ചേര്‍ക്കുക.

കുറിപ്പ്

• ചെമ്മീന്‍ അധികനേരം വേവിച്ചാല്‍ കട്ടി (റബ്ബര്‍ പോലെ) ആവുന്നതിനാല്‍ അധികം വേവാതിരിക്കാന്‍ ശ്രദ്ധിക്കുക.
• ചെമ്മീന്‍ മൈക്രോവേവ് അവനിലും വേവിക്കാവുന്നതാണ് (Step 7).
• വാളന്‍ പുളി ഇല്ലെങ്കില്‍ കുടംപുളിയോ, പച്ച മാങ്ങയോ പകരം ഉപയോഗിക്കാവുന്നതാണ്. പക്ഷേ വാളന്‍ പുളി തന്നെയാണ് കൂടുതല്‍ അനുയോജ്യം.

 

Copyright © 2013 - 2020 Shaan Geo. All Rights Reserved.

പാചക വീഡിയോകൾ ലഭിക്കുന്നതിനായി ദയവായി യൂട്യൂബ് ചാനൽ സബ്സ്ക്രൈബ് ചെയ്യുക

You may also like

Pepper Chicken
പെപ്പര്‍ ചിക്കന്‍
Fish curry - Thenga arachathu
മീന്‍കറി - തേങ്ങ അരച്ചത്
Dry Red chilli Chicken
ഡ്രൈ റെഡ് ചില്ലി ചിക്കന്‍
Fish Tomato Roast
ഫിഷ്‌-ടുമാറ്റോ റോസ്റ്റ്

അഭിപ്രായങ്ങള്‍ രേഖപ്പെടുത്താം

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മലയാളത്തില്‍ അഭിപ്രായം രേഖപ്പെടുത്താന്‍ ഇവിടെ ക്ലിക്ക് ചെയ്യുക

4 comments on “ചെമ്മീന്‍ തീയല്‍

  1. ചെമിൻ തിയ്ൽ രേകപെടുതിയതനുസരിച്ചു പാകം ചെയ്തു നല്ല രുചിയായിരുന്നു.

Leave a Reply

Your email address will not be published. Required fields are marked *

one × 4 =

Rate this recipe: